Lalaki, patay matapos gintiro ang iya kaugalingon- Jaro police

By:JoMaque l December 2, 2019, 9:31am
via Aksyon Kikik Enar

Iloilo City–Napatay samtang ginabulong sa ospital ang 42-anyos nga si Alyas Junior matapos gintiro niya ang iya kaugalingon sa Jaro kahapon sang kaagahon, Disyembre 1.

Suno kay Police Senior Master Sergeant Junven Damaolao, imbestigador sang Jaro Police Station, las 9:30 kaina sang aga sang gindeklarar nga patay si Junior.

Problema sa pamilya ang ginalantaw nga rason sang pulis sa paghikog ni Junior nga may pilas sa tuo nga parte sang iya ulo.

Na-recover sa lugar ang Magnum 22 nga pusil, apat ka mga bala kag empty shell.

Una nga nakabati sang lupok ang mga residente sa lugar antes nakit-an nga duguon si Junior.