Bagyo Tisoy, wala sang kahalitan sa Iloilo suno sa PDRRMO

By: Aine Grace Bravo | December 3, 2019

via Mario Gelongo/Aljohn Torreta

Iloilo — Wala sang nabaton nga report ang Provincial Disaster Risk Reduction and Management Council nga halit sang Bagyo Tisoy sa Iloilo.

Ini base sa report nga ginsumiter ni PDRRMC Executive Director Jerry Bionat kay Governor Arthur Defensor Jr.

Suno kay Bionat, may mga residente lang nga nag-evacuate sa tatlo ka island barangays sa Concepcion, pero wala man sang nahalitan.

Ginpahayag naman ni Concepcion Mayor Raul Banias nga 340 ka pamilya ukon 1,300 ka individuals ang nag-evacuate halin sa Barangay Igbon, Malabang, Polopiña, Salvacion, Tambaliza kag Poblacion.

Sa mga barangay halls, eskwelahan kag multi-purpose gym naga-tiner ang mga evacuees.

Yara sa coastal area kag human sa light materials ang balay sang mga pamilya nga nag-evacuate suno kay Banias.