Dueñas, Iloilo: Anay punong barangay kag incumbent barangay kagawad, gintiro patay

By: Aine Grace Bravo | December 4, 2019

via Aljohn Torreta

Dueñas, Iloilo — Daan nga hiligut-anon ang ginasundan nga motibo sang mga pulis sa pagtiro-patay sa barangay kagawad ang Barangay Bita kaina sang aga, Disyembre 4.

Suno kay Police Major Gilbert Baldevarona, hepe sang Dueñas Police Station, may indi pag-intindihanay ang biktima nga si Percy Florida kag ang himata niya nga person of interest.

Ini nag-ugat sang ginsaway sang wala ginhingadlan nga person of interest ang biktima sa iya paghampang sang tong-its sa ila barangay.

Ginkuhaan sang pahayag sang mga pulis ang person of interest apang ginpanginwala niya nga may kaangtanan siya sa pagtiro-patay kay Florida.

Anay kapitan sa nasambit nga barangay ang biktima.

Wala sang iban nga kontra ang biktima suno sa iya live-in partner base sa pagpangusisa sang mga pulis.