Oton, Iloilo: Lalaki nga ginreklamo nagpanaya-taya sang pusil sa bilasyonan, arestado

By: Aine Grace Bravo | December 4, 2019

via Angel Mae Ciudad

Oton, Iloilo — Ginpa-preso ang 35-anyos nga lalaki nga nagpanaya-taya sang pusil sa bilasyonan sa Barangay Cagbang, Oton la 1:30 kaina sang kaagahon.

Ginkilala ang arestado kay Francis Sencida sang Barangay Poblacion East, Oton.

Suno kay Police Major Gervenzon Muyo, hepe sang Oton Police Station, nagkadto sa hamyang sang lola sang tagreklamo nga si Marvin Hulleza si Sencida nga naka-inom.

Base naman sa panaysayon ni Marlon nga manghod ni Marvin, matawhay man sang nag-abot si Sencida sa bilasyonan kag gintanyagan pa siya sang kape.

Nakibot lang sila sang naggabot sang pusil si Sencida kag gintayaan si Marvin.

Na-agaw ni Marlon ang pusil.

Su-od nga mag-abyan sanday Sencida kag Marlon.

Desido nga magpasaka sang kaso ang pamilya Hulleza kay Sencida.