Mayor Jerry Treñas, nagpa-andam nga dayunon ang pagpa-auction sa mga poste sang PECO kun indi mabayaran ang RPT tubtob Disyembre 12

By: Aine Grace Bravo | December 6, 2019

via Firingline

Iloilo City — Dayunon sang syudad ang pagpa-auction sang mga poste sang Panay Electric Company kun mapaslawan ang power distributor sa pagbayad sang ila real property tax sa syudad antes ukon sa Disyembre 12.

Paandam ini ni Mayor Jerry Treñas sang nagsumiter kahapon ang PECO sang agreement nga nagapasalig nga bayran nila sang tingub ang RPT.

Base sa inisyal nga assessment sang City Assessor’s Office suno sa alkalde, P98 million ang balayran sang PECO sa RPT sang ila mga poste, kag wala pa diri nalakip ang ikaduha nga assessmenet para sa subong nga tuig.

Una na ginpahayag sang alkalde nga masobra sa P100 million ang makuha sang syudad kun ipa-auction ang ginabanta 30 ka libo ka mga poste sang PECO.