City government, mabutang sang free wifi sa tanan nga pampubliko nga eskwelahan

By: JoMaque | Disyembre 7, 2019, 9:45am

ILOILO CITY – Butangan sang City Government sang free wifi ang tanan nga pampubliko nga eskwelahan sa siyudad.

Suno kay Mayor Jerry Treñas, nagpapanaog na siya sang memorandum sa mga eskwelahan agud mahibaluan kun ano pa nga eskwelahan ang kinahanglan sang wifi.

Ginpahayag sang alkalde nga gusto niya nga ang mga kabataan ang trainable agud nga makaubra man sa mga call centers.

Ang siyudad ang mabayad sang free wifi, suno kay Treñas, kun kinahanglan.