Motorsiklo, nakabunggo sa elf truck sa Anilao; Driver sang motorsiklo, patay

By: JoMaque | Disyembre 8, 2019, 8:10am

Anilao, Iloilo- Patay ang driver sang motorsiklo nga nakabunggo sa elf sa Sitio Pang-Pang, Brgy. San Carlos, Anilao las 5:50 kahapon sang kaagahon, Disyembre 7.

Suno kay Police Corporal Ben Resol, imbestigador sang Anilao MPS, pakadto sa Sta. Barbara ang motorsiklo nga ginamaniho ni Rexel June Baldilobar, 32-anyos sang Brgy. Moroboro, Dingle, sang nakabunggo sa elf nga sa pihak nga linya.

Nasamaran man ang driver sang elf nga si Elemer Larroza, 24-anyos sang Brgy. Zone VI, Sta Barbara, nga ara na sa kustodiya sang Anilao Police.

Ginpabutyag ni Larroza nga ginlikawan pa niya ang motorsiklo, pero nalab-ot gid ini.