Abogado sang driver sang salakyan nga naka-hit and run sa construction worker sa Oton nga nagresulta sa pagkapatay sang biktima, nagpabutyag wala ginpangayuan sang Oton police sang affidavit of confession ang iya kliyente
By: Aine Grace Bravo | December 9, 2019
via Hotline
Oton, Iloilo — Wala sang legal nga basehan ang Oton police agud i-detain si Jessie Bagaan sang Brgy. Capaliz, Dumangas, ang driver sang salakyan nga nakabunggo patay sa construction worker nga si Ronald Nieves sang Disyembre 3 sang gab-i.
Ini ang ginpaathag sang legal counsel nga si Atty. Jose Marie Lamparero kasunod sang pag-surrender sang iya kliyente sa Oton Police Station paagi sa Aksyon Radyo Iloilo kahapon, Disyembre 8.
Suno kay Lamparero, katuyuan sang ila pagkadto sa police station nga i-check kun may gin-file nga warrant of arrest batuk kay Bagaan pero natukiban nga wala pa sang kopya sang death certificate ang Oton police.
Pero wala man sang problema suno sa iya kun ginpili sang Oton police nga i-detain si Bagaan bangud may yara man sila sang legal remedy.
Wala man ginpa-execute sang police sang affidavit of confession si Bagaan suno sa abogado.