Ambulansiya, nabungguan sang pribado nga salakyan sa Mandurriao

By: JoMaque | Disyembre 9, 2019, 9:08am

Mandurriao, Iloilo City — Nagupi ang tuo nga porsyon sang ambulansiya nga may karga nga pasyente halin sa Iloilo Provincial Hospital sa Pototan sang nabunggan sang pribado nga salakyan sa Taft North, Mandurriao subong nga aga.

Suno sa driver sang ambulansiya nga si Victorino Presidente, halin sila sa Jaro Plaza kag pakadto sa Western Visayas Medical Center para idul-ong ang ila pasyente sang naaksidente.

Ginpahayag naman ni Police Master Sergeant Alfredo Masamong sang Mandurriao Police Station, halin sa Ungka, Jaro ang pribado nga salakyan kag pakadto sa Taft North, Mandurriao nga ginamaneho ni Rolando Sabadico.

Wasak ang atubang nga porsyon sang pribado nga salakyan.

Gindala sang Iloilo City Emergency Responder (ICER) ang pasyente sa ospital.

Ma-settle naman ang duha ka partido sa Mierkules, Disyembre 11.