Bangkay sang lalaki, nasapwan sa Sta. Barbara

By: Aine Grace Bravo | December 9, 2019

via Angel Mae Ciudad

Sta. Barbara, Iloilo — Nasapwan ang bangkay sang lalaki sa Sitio Merlo, Barangay Zone 4 Sta. Barbara las 9:00 kaina sang aga Disyembre 9.

Ginkilala ang bangkay kay Johnny Sudario sang Bolong Oeste.

Suno kay Police Patrolman Mark Puga, imbestigador sang Sta.Barbara Police Station, Disyembre 7 sang nag-report ang pamilya ni Sudario nga wala siya nakapuli sa ila balay.

Wala pa matumod kon ano ang rason sa pagkamatay ni Sudario.

Ipa-autopsy ang bangkay ni Sudario, suno kay Police Lt. Leon Cachila sang SOCO para mabal-an kun ano ang iya ginkamatay.

Dugang pa niya nga wala man sila sang may nakita nga mga pilas sa lawas ni Sudario.