Menor-de-edad sa Molo, nagreklamo nga ginkuhaan sang P24,000 nga cash sang pulis
Read Time:1 Minute, 25 Second
By: JoMaque | Disyembre 10, 2019, 8:24am
Iloilo City– Nagreklamo ang 13-anyos nga dalagita sa Calumpang, Molo nga ginkuha sang pulis ang P24,000 nga cash nga nasulod sa iya wallet sang Disyembre 6 sang gab-i.
Nagsaka sa estasyon sang Aksyon Radyo Iloilo ang menor-de-edad upod ang iya magulang kag ginsaysay ang natabo.
Suno sa magulang sang dalagita nga si alias Al, nagalantaw sang TV ang iya manghod sa balay sang iya abyan samtang naga-tong its sa guwa sang balay ang ila iloy.
Nag-abot ang mga pulis kag gindakop ang mga nagasugal sa guwa sang balay. May nagsulod sa balay nga nagpakilala pulis apang naka-civilian kag gin-usisa kun sin-o ang tag-iya sang wallet nga yara sa tupad sang iya nga manghod.
Nagsabat suno kay Al ang iya nga manghod nga siya ang tag-iya sang wallet.
Ginpabukad sa iya ang wallet kag ginkuha sang nagpakilala pulis.
Ginpahug pa suno sa iya sang nagpakilala nga pulis ang iya nga manghod nga dakpon siya kun indi niya pag-ihatag ang wallet rason nga napilitan ang iya manghod nga ihatag.
Dugang ni Al, naghambal pa ang ila iloy nga indi pagkuhaon ang P24,000 bangud wala ini sang kahilabtanan sa ila nga sugal sang ginbukad sang pulis ang wallet.
Natabo ini sang nag-conduct sang operation ang Molo police sa Calumpang bangud sang ila nabaton nga reklamo nga may nagakatabo nga sugal sa lugar.
Ginbilin lang suno kay Al sa ibabaw sang lamesa ang wallet pagkatapos sang operasyon pero wala na ang unod nga kuwarta.
Ang kuwarta ginpadala sang tiya nanday Al halin sa abroad agud ipabulong sa ila iloy nga may bukol sa dughan.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
One thought on “Menor-de-edad sa Molo, nagreklamo nga ginkuhaan sang P24,000 nga cash sang pulis”
Leave a Reply
You must be logged in to post a comment.
More Stories
Hibao-an flyover buksan sa Disyembre 15
ILOILO CITY – Natalana ang inisyal nga pagbukas sang Hibao-an Flyover sa Disyembre 15, suno kay Department of Public Works...
Aksyon Night Patrol | Nov. 28, 2023
https://www.youtube.com/watch?v=4P-ta2132YU Aksyon Night Patrol upod kay Aksyon Jorge Cabrera | November 28, 2023Editor’s Note: AKSYON RADYO ILOILO welcomes different opinions...
Hi good morning, basi the same na magpadala c misis from saudi sir wala man palawan sa saudi asia united bank and chinabank lng sir gina padal an nya pero pwede makwa sa palawan, mlhuiller and cebuana express padala accredited na cla sir sa mga bank nga gina padal an sa abroad sir. Basi the same mana sir gin padala sa bank didto and palawan gin kwa kay accredited man sir.