‘Handum ko maka-intra sa Olympics’ – gold medalist halin sa 5th district nga nagatiniil lang sang nag-compete sa athletics sa ISSC Meer 2019

By: JoMaque | Disyembre 11, 2019, 12:20pm

Iloilo City – Tatlo ka gold medals na ang nadaugan ni Rhea Bullos, 11-anyos, sang Brgy. Salvacion, Balasan sa 400-m, 800-m kag 1,500-meter run sa Iloilo Schools Sports Council Meet 2019.

Suno kay Bullos, indi siya makasaho magdalagan kon nagasuksok sang sapatos bangud nagahinay ang iya dalagan rason nagtiniil siya kun mag-compete.

Gin-athag ni Bullos nga may isa ka pares sang running shoes siya, pero daan na.

Si Bullos ang Grade 6 pupil sa Salvacion Elementary School Balasan kag first time pa lang niya nga naka-intra sa ISSC Meet.

Grade 5 suno kay Bullos sang nagsugod siya intra sa athletics, pero wala siya na-qualify sa ISSC Meet sang nagligad nga tuig.

Wala siya nag-untat sa paghanas sa pagdalagan tubtob nagdaog sa 5th CDSA Meet 2019.

Handum ni Bullos nga makalab-ut sa Olympics.

Si Bullos ang ikaduha sa tatlo ka mag-ulutod; construction worker ang iya amay kag housewife ang iya iloy.

Nag-viral ang mga litrato ni Bullos nga naga-compete sa ISSC Meet nga wala sang suksok nga sapatos kag naputos lang sang plaster tape ang mga tiil.