Former Maasin, Iloilo Mayor Mariano Malones, kag 2 ka iban pa, napamatud-an guilty sa fertilizer fund scam

By: JoMaque | Disyembre 12, 2019, 9:26am

Manila – Ginsentensiyahan sang 6 tubtob 10 ka tuig nga pagka-preso si former Maasin, Iloilo Mayor Mariano Malones matapos napamatud-an nga guilty sang Sandiganbayan sa kaso nga graft may kaangtanan sa multi-million fertilizer fund scam.

Magluwas kay Malones, ginsentensiyahan man sang kasubong nga prison time sanday municipal accountants Cecilio Montefrio kag Jimmy Borra bangud sa irregular nga pagbakal sang Bio-Nature fertilizers sa Feshan Philippines, Inc., nga nagabalor sang P999,000 sang 2004.

Ginpahayag sang korte nga nakabaton si Malones sang 30 percent kickback sa transaction, suno kay Feshan representative Jose Barredo.

Ginpanginwala ni Malones ang akusasyon pero wala nakumbinser ang korte.

“Denial, like alibi, is considered with suspicion and always received with caution, not only because it is inherently weak and unreliable but also because it is easily fabricated and concocted,” kaundan sang ruling.

Dugang pa sang korte, nga ang funds nga gingamit ni Malones ang naghalin sa P728 million Ginintuang Masaganang Ani (GMA) Farm Input Fund ukon kilala nga fertilizer fund scam.

“There being conspiracy present, said accused are all equally liable pursuant to the rule that when conspiracy is established, the responsibility of the conspirators is collective, not individual, rendering all of them equally liable regardless of the extent of the irrespective participation,” pahayag sang korte.

Magluwas sa pagka-preso, ginsentensiyahan man ang tatlo sang korte sang perpetual disqualification to hold public office.

Ang desisyon ang ginpirmahan ni Division Chairperson Ma. Dolores Gomez-Estoesta, nga ginkasugtan upod sanday Associate Justices Zaldy Trespeses, kag Georgina Hidalgo. | via ABS-CBN