Mga atleta sa swimming kag athletics nga may pinakamadamo nga medalya sa ISSC Meet 2019, ginkilala

By: Aine Grace Bravo | December 12, 2019

via ISSC

Iloilo City — Ginkilala ang mga atleta sa swimming kag athletics nga may pinakamadamo nga nadaugan nga medalya sa bag-o lang natapos nga Iloilo Schools Sports Council Meet.

Sa Secondary boys swimming, may pinakamadamo nga medalya si Martin Alphonse Bito-onon sang Iloilo PRISAA nga may pito ka gold medals kag Raymund Vero Paloma sang Iloilo PRISAA nga may anum ka golds.

Sa secondary girls swimming, may pinakamadamo nga medalya si Kyla Soguilon sang Iloilo PRISAA nga may lima ka golds.

Sa elementary boys swimming, si Dave Vincent Llorico sang Iloilo City Schools Sports Council ang may anum ka golds.

Sa elementary girls swimming, si Jillian Celestine Bata sang Iloilo PRISAA ang may anum ka golds kag isa ka silver medal.

Sa athletics secondary boys, may pinakamadamo nga medalya si James Joash Bandojo sang 5^th CDSA nga may tatlo ka golds kag isa ka bronze medal.

Sa athletics secondary girls, si Edna Magtubo sang 5^th CDSA ang may apat ka golds.

Sa athletics elementary boys, si Vincent Laguerta sang 5^th CDSA ang may duha ka golds kag isa ka bronze.

Samtang sa athletics elementary girls, si Rhea Bullos, ang 11 anyos halin sa 5^th CDSA nga nagatiniil sa iya hampang, ang may apat ka gold medals.