MORE Electric and Power Corp., ginkalipay ang pagbayad sang PECO sang tax bisan pa nga indi na madayon ang auction sa mga poste nga ila tuyo intrahan

By: JoMaque | Disyembre 12, 2019, 9:30am

ILOILO CITY — Very good development para sa MORE Electric and Power Corporation ang pagbayad sang Panay Electric Company (PECO) sang P134.9 million nga real property tax sa syudad.

Ini bisan pa nga indi na madayon ang auction sa mga poste sang PECO nga plano intrahan sang MORE.

Suno kay MORE President Roel Castro, maayo ini para sa siyudad bangud may pondo na nga magamit para sa mga programa kag proyekto.

Wala man sang problema sa MORE, suno kay Castro, bangud ma-intra sila sa auction para nga may pondo ang siyudad.

Nagahulat pa ang MORE sa expropriation proceedings agud makuha ang mga assets sang PECO.