Pagbayad sang PECO sang RPT sa syudad, wala sang epekto sa MORE

By: Aine Grace Bravo | December 12, 2019

via Hotline

Iloilo City — Wala sang negatibo nga epekto sa MORE Electric and Power Corporation ang pagbayad sang Panay Electric Company sang real property tax sa city government.

Suno kay Mr. Roel Castro, presidente sang MORE, dapat lang nga magbayad sang ila utang ang PECO kag makabig ini nga good development.

Normal suno sa iya nga indi basta-basta mag-give up ang PECO sa ila negosyo kasunod sang ila pagbayad sang RPT.

Pero wala ini nagadula sang kamatuoran nga wala sang franchise ang PECO.

Sa pagkahibalo naman ni Castro, indi puwede ma-isyuhan sang  business permit sang city government ang PECO bangud wala ini sang prangkisa.

Pero pinasahi ang sitwasyon ang siyudad gani ginatugyan niya sa ila legal team ang pagtuon sa nasambit nga aspeto sa kaso sang PECO.