Iloilo City government, nagbakal sang dump trucks para sa Task Force Beautification kag City Engineer’s Office

By: Aine Grace Bravo | December 16, 2019

via Jeremae Ventar

Tatlo ka mga dump trucks ang ginbakal sang siyudad.

Suno kay Mayor Jerry Treñas, ihatag ang isa ka dump truck sa Task Force Beautification, kag duha sa City Engineer’s Office.

Mabakal pa ang siyudad sang dugang nga dump trucks.

May anum naman ka mga utility vehicles nga L300 para sa mga opisina pareho sang City Health Office kag Local Economic and Investment Promotions Office (LEIPO).

Sa kabug-usan, may 22 ka mga multi-purpose vehicles nga ipanagtag ang siyudad sa mga opisina sang City Government.

Ginpahayag pa sang alkalde nga plano pa gid sang siyudad nga magbakal sang duha ka modernized jeepneys para magdul-ong sang mga traffic aides kag iban pa nga empleyado.