Mga pulis, gin-deploy sa mga pampubliko nga lugar kadungan sang pagsugod sang Misa de Gallo

By: JoMaque | Disyembre 16, 2019, 10:17am

Iloilo City — Ginpalapta ang kapulisan sa mga pampubliko nga lugar kadungan sang pagsugod sang misa de aguinaldo kaina sang kaagahon.

 Suno kay Iloilo Police Provincial Office ukon IPPO Director Police Colonel Roland Vilela, naka-full alert status ang mga kapulisan sugod kahapon.

24/7 nga magaduty ang mga pulis agud magsiguro sang seguridad sa mga public places ilabe na sa mga simbahan nga ginadugukan sang mga tumulu-o.

 Ginmanduan man ni Vilela ang mga chiefs of police nga i-maximize ang mga personnel para sa enhanced managing police operations ukon EMPO.

Lakip sa ginbantayan sang mga pulis ang dalanon, terminals, simbahan, plazas kag iban pa nga matawo nga lugar.          

Target sang Iloilo ang zero major crime incident sa holiday season.

Nagpanugyan man siya sa publiko nga mangin vigilante kag man alerto kon yara sa pampubliko nga lugar.