Masobra isa ka tuig nga bata nga lalaki, nabilin sang iloy sa sulod sang daan nga patyo sa Arevalo; Nagpakilala nga iloy, nagapanimaho sang makahulubog nga ilimnon sang nagpadulong sa police station

By: JoMaque | Disyembre 17, 2019, 9:32am

Iloilo City—Ginabanta masobra isa ka tuig nga bata nga lalaki ang nakit-an sa sulod sang daan nga patyo sa Yulo Drive, Arevalo las 2:00 subong nga kaagahon.

May nabatian nga hibi sang bata ang grupo sang mga pamatan-on sa sulod sang patyo sang naglabay sa lugar kabangdanan ginpalapitan kag nakita ang bata.

Gindala nila ang bata sa Arevalo Police Station. Plano naman sang Arevalo Police nga i-turn-over ang bata sa DSWD.

Nagkadto naman ang nagpakilala nga iloy sang bata sa Police Station nga ginpahayag nagapanimaho sang makahulubog nga ilimnon.

Wala ginhatag sang Arevalo Police ang bata sa babaye bangud hubog ang babaye.