NPA, nagpangtapik sang posters kag streamers sa pila ka barangay sa probinsya

By: Aine Grace Bravo | December 17, 2019

via Aljohn Torreta

Iloilo — Nagpangtapik sang posters kag streamers kag nagpalapta man sang leaflets ang Communist Party of the Philippines sa pito ka mga barangay sa nabukid sang probinsya.

Suno kay Iloilo Police Provincial Office (IPPO) Spokesperson PMS Francisco Lindero, ginpangtapik sa taytay kag waiting shed ang mga posters kag streamers, samtang ginpanglapta sa karsada ang leaflets kahapon sang aga, Disyembre 16.

Kalabanan sa mga nasulat sa nasambit nga materials ang pagdayaw sa CPP sa pagselebrar sang ila ika-51 nga anibersaryo sa Disyembre 26.

Lima sa pito ka mga barangay nga ginpatapikan ang nahamtang sa Tubungan samtang duha naman sa Igbaras.

Ang mga barangay suno kay Lindero amo ang Bacan, Tagpu-an, Adgao, Ingay kag Buenavista sa Tubungan kag Barangay Tabiac kag Alameda sa Igbaras.

Wala pa sang may naghatag sang pahayag sa nasambit nga mga barangay kun may nakakita sa nagpangtapik sang mga posters kag streamers.