Estancia Municipal Treasurer’s Office, ginkawatan

By: JoMaque | Disyembre 18, 2019, 9:18am

Estancia, Iloilo- Nadulaan sang cash kag laptop ang Municipal Treasurer’s Office sang Estancia matapos nga ginkawatan.

Suno kay PMS Jet Landayao sang Estancia MPS, las-otso kaina sang aga sang natukiban nanday Sheree Anne Pagayonan kag Melende Abarquez, mga empleyado sang Municipal Treasurer’s Office, nga naga-inukay sa opisina kag may nadula nga gamit.

Gilayon sila nga nag-report sa police station.

Suno sa testigo, las-11 kagab-i sang nakita niya si alias Dan Dan sang Brgy Alipata, Carles, Iloilo nga nagsaka sa puno sang lubi tupong sa Treasurer’s office kag ginbuksan ang sliding window.

Nadula ang laptop nga nagabili P31,920 kag P10,145 cash.

Ginkadtuan sang mga pulis ang lugar nga mahimo nga palagyuhan sang suspect pero siya wala makita. Naka-coordinate man ang Estancia police sa Carles police, pero wala pa sang feedback.