P1.8 million nga balor sang suspected shabu, nakuha sa babaye nga subject sang buy bust operation sa Bacolod City

By: Aine Grace Bravo | December 18, 2019

via Aksyon Radyo Bacolod

Neg. Occ. — Ginabanta 1.8 milyones pesos nga balor sang suspected shabu ang na-recover sa buy bust operation sa Barangay Pahanocoy, Bacolod City pasado las-tres kaina sang hapon.

Arestado ang subject nga si Kimberly Berbor, 25 anyos sang Bacolod City, kag tokhang surrenderer.

Suno kay Major Charles Gever, hepe sang Bacolod City Police Station 8, ginakabig nga high value target level 1 drug personality si Berbor.

Sang MassKara Festival lang, nadakpan man suno kay Gever sa buy bust operation ang live-in partner ni Berbor.