Driver sang motorsiklo, patay sang na-aksidente sa San Enrique

By: JoMaque | Disyembre 19, 2019, 10:20am

San Enrique, Iloilo—Patay ang 41-anyos nga driver sang motorsiklo matapos nakabunggo sa truck las 9:50 kagab-i sa Brgy. Cubay , San Enrique, Disyembre 18.

Ginkilala ang driver sang motorsiklo nga si Romeo Tenorio sang Brgy. Garita, San Enrique.

Base sa imbestigasyon sang San Enrique Police, nabungguan sang motorsiklo ang naka-park nga Fuso truck.

Napilasan sa ulo ang biktima kag gindeklarar nga dead-on-arrival sa Passi City District Hospital.