Hinablos, pilason matapos gintiro sang tiyo nga pulis sa Sibunag, Guimaras

By: JoMaque | Disyembre 19, 2019, 9:39am

Sibunag, Guimaras—Pilason ang hinablos matapos gintiro sang iya man lang tiyo nga pulis sa Barangay Millan las 6:40 kagab-i, Disyembre 18.

Ginkilala ni Police Captain Rico Sta. Ana, hepe sang Sibunag Police Station ang biktima kay Cyril Magan, 27-anyos nga napilasan sa wala nga mata.

Suspek sa pagtiro sa biktima si Police Executive Master Sergeant Jonathan Magan, 48-anyos sang amo man nga lugar.

Ginabulong sa Iloilo Doctor’s Hospital ang biktima samtang nag-surrender las 8:00 subong nga gab-i kay GPPO Director Hector Maestral si PEMS Magan, assigned sa Jordan Police Station.

Suno kay Sta. Ana, nagsugat-anay ang duha sang hinali lang naggabot sang pusil ang pulis kag gintiro ang iya hinablos.

Daan nga hiligut-anon ang ginasunod nga anggulo sang Sibunag police sa insidente.