Mag-utod nga Ampatuan, guilty sa 57 counts sang murder may kaangtanan sa Maguindanao massacre case; 15 ka pulis, na-convict bangud nangin accessory sa krimen

By: Aine Grace Bravo | December 19, 2019

via DZRH

Lain-lain ang pamatbat ni Quezon City RTC Branch 221 ni Judge Jocelyn Solis-Reyes sa 101 ka akusado sa Maguindanao massacre sa promulgation kaina sang aga.

Sa mga akusado, walo ka miembro sang gamhanan nga Ampatuan clan, lakip ang mag-utod nga Andal “Unsay” Ampatuan Jr kag Zaldy Ampatuan, ang na-convict sang 57 ka counts sang murder kag ginsentensyahan sang reclusion perpetua ukon tubtob 40 ka tuig nga pagka-preso nga wala sang parole.

Na-acquit naman ang isa pa ka bata ni the late Andal Ampatuan Sr nga si Datu Sajid Islam Ampatuan upod sa tatlo pa ka miembro sang ila pamilya.

Samtang ginhatagan sang korte si Datu Sajid islam Ampatuan sang lima ka adlaw agud magpa-athag sa indi niya pagtambong sa promulgation.

Napamatud-an man nga guilty ang 15 ka pulis nga nangin accessory sa krimen kag ginsentensiyahan sang anum tubtob 10 ka tuig nga pagkapreso.

Ginbasa lang ang “dispositive portion” sang 761 ka pahina nga desisyon ni Judge Solis-Reyes matapos ang 10 ka tuig nga trial sa kaso..//

Nagasalamat naman si Maguindanao 2nd District Rep. Esmael “Toto” Mangudadatu sa media, kay Presidente Rodrigo Duterte, sa Ginoo kag sa pamilya sang mga biktima nga wala nag-untat sa pagsunod sa kaso.

Lakip sa 58 ka napatay ang asawa kag duha ka utod nga babaye ni Mangudadatu.