Driver sang motorsiklo, patay sang nakabunggo sa bus sa Estancia

By: Aine Grace Bravo | December 20, 2019

via Aksyon Radyo Correspondent Jerry Medina

Estancia, Iloilo — Patay ang driver sang motorsiklo nga si Johnny De la Cruz sang Alinsolong, Batad, matapos nakabunggo sa GASAT Express bus nga ginamaneho ni Rey Catalan sa Barangay Cano-an, Estancia kaina sang kaagahon.

Nahulog sa gutter ang bus samtang natumba naman ang motorsiklo ni De la Cruz.

Samtang yara sa karsada, nabungguan pa gid siya sang motorsiklo nga ginamaneho naman ni Benjie Marcelo sang Barangay Abong, Carles.

Gindala sa ospital sanday Marcelo kag De la Cruz nga lunsay napilasan.

Gindeklarar nga dead on arrival si De la Cruz bangud sang patal nga pilas sa ulo.

Gindala naman sa police station ang driver sang bus.