Iloy halin sa Capiz, nagpangayo sang bulig sa pagpabulong sa iya 12 anyos nga bata nga nabulag bangud sa katarata

By: Aine Grace Bravo| December 20, 2019

via BBB

Iloilo City — Nagpangayo sang bulig sa mga tagpalamati sang Aksyon Radyo Iloilo ang iloy para sa iya bata.

Suno kay Mrs. Jema Edaño nga taga-Dao, Capiz, nagpadulong sila sa Iloilo City para ipabulong ang iya 12-anyos nga bata nga lalaki nga nabulag bangud sa katarata.

Manug-tatlo na sila ka bulan sa siyudad kag nagatiner lang sa balay sang ila himata bangud permi nga nagabalik-balik sa ospital.

Naubos na suno sa iya ang ila kwarta sa pamasahe kag resita sang iya bata rason nga nagpangayo sang bulig.

Naga-isahanon na lang ang iloy sa pagbuhi sa iya mga kabataan bangud nabalo na siya.

Nagalaum ang iloy nga maoperahan ang iya bata kag liwat nga makakita.