Mga hit and run cases sa Iloilo City, ginapa-imbestigaran ni Mayor Jerry Treñas

By: Aine Grace Bravo | December 20, 2019

via Hotline

Iloilo City — Ginmanduan ni Mayor Jerry Treñas si Public Safety and Transportation Management Office Head Jeck Conlu nga makigsapol kay Iloilo City Police Office Director Police Colonel Martin Defensor Jr. agud istoryahan ang hit and run cases sa syudad.

Pinaka-ulihi nga kaso ang pagkabunggo patay kay security guard Jemar Celebrado, 39-anyos sang San Isidro, La Paz sang Disyembre 18 sang kaagahon.

Suno sa alkalde, nagakabalaka siya sa mga insidente.

Nagapati si Treñas nga isa sa mga factors sang hit and run amo nga ang mga drivers ang naka-inom.

Plano sang siyudad nga magpangtapik sang “Don’t Drink and Drive” reminders sa mga bars kag establishments nga naga-serbe sang makahulubog nga ilimnon.