Bingawan, liwat gindeklarar nga drug-cleared municipality

By: Aine Grace Bravo | December 21, 2021

via Aksyon Reports Afternoon Edition

Bingawan, Iloilo — Liwat gindeklarar sang Regional Oversight Committee nga drug-cleared municipality ang Bingawan.

Ginhiwat ang programa kahapon, Disyembre 20, sa pagpanguna ni PDEA 6 Director Alex Tablate, pagkatapos sang inagurasyon kag blessing sang Balay Silangan Reformation Center sa Barangay Tapacon.

Sa pagkadumdom ni Mayor Mark Palabrica, maka-apat ka beses na nga gindeklarar nga drug-cleared ang banwa, pinakaulihi sang Pebrero 2018.

Aktibo suno sa alkalde ang mga opisyal kag pumuluyo sang banwa sa mga anti-illegal drugs campaign.

Dugang ni Palabrica, gamay lang ang banwa gani mahapos sa ila ang pag-monitor sang mga nagaguwa kag sulod.