Kapin 50% sang 12, 560 aksidente sang mga salakyan sa dalanon sa rehiyon subong nga tuig, natabo sa siyudad sang Iloilo

By: JoMaque | Disyembre 21, 2019, 9:21am

Iloilo City – Kapin 50% ukon 5,911 sa 12,56- aksidente sang mga salakyan sa mga dalanon sa rehiyon ang natabo sa syudad sang Iloilo.

Ini ang base sa data sang Police Regional Office 6 halin Enero tubtob Disyembre 15.

Suno kay Lt. Col. Joem Malong, Spokesperson sang PRO 6, ginsundan ang syudad sang Iloilo sang probinsya sang Iloilo (2,880), Capiz (1,472), Negros Occidental ( 1,081), Aklan (567), Bacolod City (257) , Antique (239) , kag Guimaras (153).

Nagapanguna naman nga aksidente sa dalanon ang Reckless Imprudence Resulting To Damage to Property (7,627).

Ginsundan ini sang Reckless Imprudence Resulting to Physical Injury ( 4.090), Reckless Imprudence Resulting to Homicide ( 443), Reckless Imprudence Resulting to Multiple Physical Injuries ( 330), Reckless Imprudence Resulting to Multiple Damage to Property ( 57), kag Reckless Imprudence Resulting to Multiple Homicide (13).

Suno kay Malong, importante nga magsunod ang mga drivers kag pedestrian sa mga traffic rules and regulations agud malikawan ang mga insidente.

Sugod sang Nobyembre, tatlo na ka insidente sang hit and run ang na-record sa syudad kag probinsya sang Iloilo kag lunsay napatay ang nabunggu-an.