Pag-selebrar sang bag-ong tuig sa Western Visayas, malinong kag matawhay — PRO 6

By: JoMaque | Enero 2, 2020

Iloilo — Nangin malinong kag matawhay ang pagselebrar sang bag-ong tuig sa Western Visayas. 

Suno kay Police Regional Office 6 spokesperson Lt. Colonel Joem Malong, nagnubo ang firecracker-related injuries subong nga tuig.

Base sa report halin sa Regional Peace and Order Council ukon RPOC as of 11am kahapon, Enero 1, 19 ang na-record nga firecracker-related incidents.

Mas manubo ini kumparar sa 93 nga na-record sang nagligad nga tuig.

May na-record naman nga kaso sang illegal discharge of firearm ang PRO 6 sang Disyembre 22 sa Antique pero naaresto kag napasakaan sang kaso ang ginreklamo.

Pito naman ka kaso sang illegal use of firecrackers ukon pagpalupok sa indi designated firecracker zone, ang na-record sang PRO 6.

Pero wala sang breakdown si malong kun diin nga mga banwa ini natabo bangud numero pa lang ang ginhatag sang RPOC.