3 balay nga ginapanag-iyahan sang mag-ulutod sa Oton, nasunog

By: Aine Grace Bravo | January 3, 2020

via Farrah Mae Morano

Oton, Iloilo — Naabo ang tatlo ka balay sa sunog sa Barangay Cagbang, Oton kaina sang hapon.

Ginapanag-iyahan sang mag-ulotod nga Jimmy Espinosa, Edgar Espinosa kag Albert Espinosa ang mga balay nga human sa light materials.

Suno kay SF02 Jose Salado sang Oton Fire Station, la 1:30 sang hapon sang nakabaton sila sang tawag nga may sunog kag las 2:10 gindeklarar nga fire out.

Wala sang tawo sa mga balay.

Gina-imbestigaran pa ang ginhalinan ang sunog kag balor sang kahalitan.