14 LGUs sa Iloilo, Capiz, Aklan kag Antique nga ginpa-idalum sa state of calamity bangud sa bagyo Ursula, makabaton sang financial assistance halin sa Iloilo city government – Mayor Treñas

By: JoMaque | Enero 4, 2020

Iloilo City – Gin-aprubahan sang City Disaster Risk Reduction and Management Council ang resolution agud hatagan sang financial assistance ang 14 ka local government units (LGUs) sa Iloilo, Capiz, Aklan kag Antique nga ginpa-idalum sa state of calamity bangud sa kahalitan sang Bagyo Ursula.

Suno kay Mayor Jerry Treñas, makabaton sang tag-P300,000 ang kada LGU.

Hingyuon ni Treñas ang City Council nga aprubahan ang rekomendasyon sa ila session sa masunod nga semana agud nga mapaguwa na ang pondo kag magamit sang mga apektado nga LGUs.

Ginpabutyag sang alkalde nga sang gin-igo sang Bagyo Frank ang syudad sang Hunyo 2008, madamo man nga LGUs ang naghatag sang bulig gani nagaka-angay man nga magbalos sang assistance ang City Government.