75 ka magahud nga mufflers, ginpalapakan sa pison sa Passi City

By: Aine Grace Bravo | January 4, 2020

via Passi City LGU

Passi City, Iloilo — Indi magnubo sa 75 ka open-pipe mufflers nga nakumpiskar sang Traffic Management Office kag Passi City police halin sang Nobyembre 2019 ang ginpalapakan sa pison sang Enero 2.

Ginpangunahan ni Passi City Mayor Atty. Stephen Palmares ang pagguba sa mga magahod nga mufflers sa atubang sang Plaza Paloma gamit ang vibro roller equipment.

Ginpahayag ni Palmares nga ang pagguba sa magahod nga mga mufflers magaserbe nga warning sa iban nga drivers batok sa paglagaw sa siyudad ilabe na kun gab-i sakay sa magahod nga motorsiklo.