8 ka mga tribu sa Dinagyang 360 mapasundayag sa Opening Salvo sa 4 judging areas; 6 ka tribu sa ‘Dagyang sa Calle Real’, mapakita man sang ila performance

By: JoMaque | Enero 4, 2020

ILOILO CITY — Mahatag sang 3-5 ka minutos nga performance ang walo ka mga tribu sa Dinagyang 360 sa kada judging area sa Opening Salvo sa Enero 10.

Naka-standby ang una nga apat ka mga tribu sa Freedom Grandstand para sa performance samtang naka-standby man sa Maria Clara stage ang masunod nga apat ka grupo.

Ang ruta sang tribu ang halin sa Freedom Grandstand pakadto Solis Street, Valeria kag Maria Clara.

Apang, antes ang performance sang Dinagyang 360 tribes, mapasundayag ang mga barangay tribes. Ang mga barangay tribes para Dagyang sa Calle Real ang ma- standby sa Freedom Grandstand, maagi sa ruta sa Solis street kag balik sa Freedom Grandstand.

Ang walo ka tribu sa Dinagyang 360 amu ang:
Tribu Barriohanon -Bo. Obrero National High School (NHS); Tribu Binhi -Melchor L. Nava NHS; Tribu Dagatnon -Ramon Avanceña Memorial NHS; Tribu Hugponganon -Tiu Cho Teg-Ana Ros Foundation Integrated School; Tribu Ilonganon -Jalandoni NHS; Tribu Paghidaet -La Paz NHS; Tribu Panayanon- Iloilo City NHS; and Tribu Salognon- Jaro NHS .