Lalaki, nasapwan patay kag may pilas sang pagkalabo sa Sara
By: JoMaque | Enero 6, 2020
Iloilo—Nasapwan patay nga may mga pilas sang pagkalabo ang 25-anyos nga lalaki sa Capinayan, Brgy. Malipaya, Sara las 9:30 sang gab-i sang Enero 4.
Suno kay Police Senior Master Sergeant Arne Abian, Imbestigador sang Sara Police Station, halin ang biktima nga si Edwin Aresgar sa imnanay antes nasapwan.
May pilas sa tuo nga liug, tuo nga abaga, kag sa tuo nga tiyan ang biktima.
Gindala pa sa ospital si Aresgar apang gindeklarar nga patay.
Wala sang kontra ukon malain nga record sa barangay kag sa pulis ang biktima suno kay Abian.
May yara na sang suspect ang kapulisan kag padayon ang imbestigasyon kun ano ang motibo sa paglabo kay Aresgar.