Replica sang imahe ni Señor Sto. De Cebu, nag-abot na sa Iloilo City pila ka semana antes ang Dinagyang 2020

By: Aine Grace Bravo | January 7, 2020

via Iloilo City Government

Iloilo City — Gin-abi-abi ni Mayor Jerry Treñas ang pag-abot sang replica sang imahe ni Señor Sto. Niño de Cebu sa San Jose Placer Parish sa Plaza Libertad, sang naglabay sa City Hall subong nga hapon.

Ginpangunahan ni Parish Priest Fr. Raymundo Edsel Alcayaga kag mga miembro sang Cofradia del Sto. Niño de Cebu Iloilo City Chapter ang religious event.

Halin sa Iloilo International Airport, ginhapit ang imahe sa University of San Agustin Extension Campus sa Sambag, Jaro kag sa main campus sa General Luna Street, City Proper.

1968 sang gindala sa Iloilo ang replica sang Sto. Niño halin sa Cebu bilang regalo kag gin-welcome ni Father Ambrosio Galindez, parish priest sadtu sang San Jose Placer Parish, upod sa mga miembro sang Cofradia del Santo Niño de Cebu, Iloilo Chapter.