Foreman, nakuryente patay sa Pavia

By: Aine Grace Bravo | January 8, 2020

via Jorge Cabrera

Pavia, Iloilo — Patay ang foreman nga nagatrabaho sa subdivision sa Pavia sang nakuryente kaina sang aga.

Gindala pa sa ospital si Feliciano Socorin, 48 anyos nga tumandok sang Danao, Bohol kag stay-in worker sa Centro Verde Subdivision sa Pandac, Pavia, pero wala natabangan.

Suno kay Police Staff Sergeant Rolando Arellano Jr sang Pavia Police Station, nagsaka sa poste si Socorin agud pataason ang linya sang kuryente kag makalabay ang mixer nga naga-obra sa subdivision. Pero nauyatan niya ang open wire rason nga nakuryente.