Opening Salvo sang Dinagyang 2020, gindugukan sang tumalan-aw; Mayor Jerry Treñas, ginpasalamatan ang tanan nga nagsuporta sa kahiwatan
By: Aine Grace Bravo | January 10, 2020
via Aksyon Radyo Coverage Team
Iloilo City — Gindugukan ang Opening Salvo sang Dinagyang Festival 2020 kaina sang hapon.
La-una pa lang sang hapon, ginsiraduhan na ang dalanon nga ginlabayan sang mga tribu, samtang las-tres sa hapon, nagsugod ang programa sa Freedom Grandstand.
Sa iya mensahe, gin-abi-abi Mayor Jerry Treñas ang mga tumalan-aw kag ginpasalamatan Iloilo Festival Foundation Incorporated nga nagpamuno sa pag-organisar sang Dinagyang 2020, kag ang tanan nga stakeholders nga nagsuporta, lakip na ang Iloilo City Police Office nga nagsiguro sa safety sang mga tumalan-aw.
Madamo sang balantayan sa subong nga tuig nga Dinagyang suno sa alkalde.
Ginpabutyag man ni Treñas nga ang Dinagyang 2020, amo ang mangin pinakadaku nga Dinagyang sa kasaysayan.