Tricycle, nawasak sang natumbahan sang truck nga may karga nga tubo sa Passi City
By: JoMaque | Enero 11, 2020
Iloilo — Wasak ang tricycle nga nagapondo sa higad sang dalan sang natumbahan sang truck nga may karga nga tubo sa Barangay Poblacion Ilawod, Passi City las 2:50 kahapon sang hapon, Enero 10.
Ginapanag-iyahan ni Ricky Guipo, 28-anyos, ang tricycle.
Suno kay Police Staff Sergeant Roel Dave Navarro, imbestigador sang Passi City Police Station, ginpa-atras ni Manuel Suplag ang iya ginamaeho nga truck pero wala nagkagat ang preno rason nga na-atrasan ang tricycle.
Nakahingagaw lumpat si Guipo sa iya tricycle rason nga wala nasamaran.