Sales attendant sang burger stand, dakup sa buy bust operation sa Arevalo

By: JoMaque | Enero 14, 2020

Arevalo, Iloilo City — Dakup si Pearl Hugo, 28, sang Dungon B, Jaro sa sa drug buy bust operation sa Zone 11, Barangay Calaparan, Arevalo kagab-i, Enero 13.

Tatlo ka sachets sang suspected shabu kag P1,200 nga buy bust money ang na-recover kay Hugo nga naga-trabaho bilang sales attendant sa burger stand sa Arevalo.

Suno kay Police Staff Sergeant Lenard Aquiatan sang Arevalo Police Station, gin-monitor nila ang illegal nga aktibidad ni Hugo antes gin-operate.

Preso siya sa Arevalo Police Station kag natalana nga pasakaan sang kaso.