Taal Volcano, posible maglupok sang mabaskog kasunod sang nakita nga mga litik sa Batangas suno sa PHIVOLCS

By: Aine Grace Bravo | January 14, 2020

via DZRH/PHIVOLCS/GMA

May posibilidad nga magalupok sang mas mabaskog ang Taal Volcano. Ini ang patimaan sang bag-o nga fissures ukon cracks sa duta nga nakita sa pila ka banwa sang Batangas.

Base sa pagpangusisa sang PHIVOLCS, nakita ang mga litik sa barangays Sinisian, Mahabang Dahilig, Dayapan, Palanas, Sangalang, kag Poblacion sa banwa sang Lemery; Barangay Pansipit sa banwa sang Agoncillo; Poblacion 1, Poblacion 2, Poblacion 3, kag Poblacion 5 sa Talisay; kag Poblacion sa San Nicolas. May cracks man ang karsada nga naga-angut sang Agoncillo kag Laurel, Batangas.

“Ang hinuhudyat nung malalakas na lindol at fissuring na nangyayari ngayon sa Batangas ay mayrooon po tayong malaking volume ng magma na ini-intrude sa edifice at maaari po itong iputok bilang isang malakas na eruption,” suno kay Mariton Bornas, chief sang Volcano Monitoring & Eruption Prediction Division sang PHIVOLCS, sa press conference kaina.

335 volcanic earthquakes na ang na-record halin sang nag-alburuto ang Taal, 49 ang na-record halin las-dos kaina sang kaagahon tubtob las-10 sa aga.

Suno kay Bornas, “Ngayon, hindi pa po masyadong humihiwalay ‘yung lupa, pero noong 1911 ang nangyari po after ng malakas na pagputok, lumubog pa ‘yung lupa diyan. Fissuring muna before the large eruption and then lumubog.”

Ginsulit sang PHIVOLCS ang kakinahanglan sang total evacuation sa Taal Volcano Island, kag sa 14-kilometer radius halin sa main crater bangud vulnerable ini nga mga lugar sa posible nga pyroclastic density currents kag volcanic tsunami sa Taal Lake.