Iloilo City government, mahatag bulig pinansyal sa mga LGUs nga na-apektuhan sang Taal Volcano eruption

By: Aine Grace Bravo | January 15, 2020

via Iloilo City Government

Iloilo City — Magahatag sang bulig pinansiyal ang Iloilo City Government sa mga Local Government Units (LGUs)) nga naapektuhan sang aktibidad sang Bulkan Taal.

Suno kay Mayor Jerry Treñas, mahimo gamiton sang siyudad ang parte sang Quick Response Fund sang siyudad agud i-donate sa mga lugar nga naapektuhan sang kalamidad pareho sang mga areas nga naapektuhan sang Bagyo Ursula nga nag-igo sa Western Visayas sang Disyembre.

Natalana makig-angut ang alkalde sa mga city officials agud maghimo sang assessment kun ano nga mga LGUs ang pinaka-apektado nga nagakabagay hatagan sang bulig.