Isa patay, isa pilason sa pagbunggu-anay sang dump truck kag transit mixer sa Pototan

By: Aine Grace Bravo | January 15, 2020

via Angel Mae Ciudad

Pototan, Iloilo — Isa ang patay kag isa pilason sang nagbunggu-anay ang dump truck kag transit mixer sa Barangay Casalsagan, Pototan kaina sang aga.

Ginkilala ang napatay kay Wilfredo Aquino, 45-anyos sang Lambunao kag pahinante sang dump truck.

Gindala naman sa ospital ang driver sang transit mixer nga si Ronnie Tagnong nga may pilas ulo, paa kag iban pa nga parte sang iya lawas.

Suno kay PSSg Amando Caporal, imbestigador sang Pototan MPS, nag-over take sa pick-up ang driver sang dump truck nga si Randy Loseño rason nga nagbunggu-anay sila sang transit mixer nga sugata kag pakadto sa Pototan.

Wala napilasan sa aksidente si Loseño.