Mga miembro sang RPA-ABB kag ginapatihan NPA rebels, nag-engkwentro sa Alimodian

By: Aine Grace Bravo | January 15, 2020

via Aljohn Torreta

Alimodian, Iloilo — Nag-engkwentro ang mga miembro sang Revolutionary Proletarian Army- Alex Boncayao Brigade kag ginapatihan miembro sang New People’s Army sa Barangay Cunsad, Alimodian, las-7:30 kaina sang aga.

Suno kay Captain Cenon Pancito III, Spokesperson sang 3rd Infantry Division sang Philippine Army, halin sa Barangay Abang-Abang, Alimodian ang kapin 16 ka miembro sang RPA-ABB sa idalum sang Nilo Dela Cruz Faction sang hinali lang sila ginpa-arakan tiro sang ginapatihan mga miembro sang Sibat Platoon, Southern Front sang Komiteng Rehiyon –Panay, NPA.

Naglawig ang engkwentro sang 10 ka minutos tubtob nga nagpalagyo ang mga rebelde pakadto sa Leon.

Antes ang engkwentro, nabati-an naman ang mabaskog nga paglupok sang wala pa mahibaluan nga explosive device.

Wala sang may napilasan nga sibilyan kag miembro sang RPA-ABB.