41, nagkaladakpan bangud sa illegal fishing sa Carles

By: JoMaque | Enero 16, 2020

Iloilo — Gindakop ang Iloilo Provincial Bantay Dagat kag BFAR Region 6 ang 42 ka crew kag kapitan sang duha ka hulbot-hulbot nga naga-engage sa illegal fishing sa baybayon nga sakop sang Brgy. Asluman, Carles sang Enero 14.

Suno kay Police Corporal Martin Valdeviezo sang Provincial Bantay Dagat, sunod-sunod nga operatsyon ang ila ginhimo sa duha ka hulbot-hulbot nga nakita nga illegal nga nagapangisda.

Ginkilala ang kapitan sang FB JBoy kay Edson Dela Rosa, 39, sakay ang 22 ka mga crew samtang ginkilala naman ang kapitan sang FB Cherrylyn kay Zaldy Dedales, 50 sakay ang 19 ka mga crew.

Na-recover ang mga gamit sa pagpangisda lakip na ang duha ka hulbot-hulbot. Yara sa kustodiya sang Carles police ang mga nadakpan.