Duha ka senior citizens, nasapwan patay kag ginapatihan nag-suicide sa magkatuhay nga lugar sa Iloilo

By: Aine Grace Bravo | January 16, 2020

via Farrah Mae Morano/Dave Bucayan

Iloilo — Duha ka senior citizens ang nasapwan patay kag ginapatihan sang ila pamilya nga nag-suicide.

Una nga nakita sang iya pamilya si alyas Jun-Jun nga nagabitay sa iya kwarto sa isa ka barangay sa Miag-ao las-6 kaina sang aga.

Ginpabutyag sang pamilya nga antes sini, nagreklamo si alyas Jun-Jun sang pagpalanakit sang iya nga lawas.

Nasapwan man nga nagabitay ang 65 anyos nga anay seaman sa isa ka barangay sa Passi City.

Posible suno sa utod sang senior citizen nga na-depress siya bangud sang balatian kag nadangtan sang iya trabaho.

Una na nga ginka-alarma sang Iloilo Police Provincial Office ang madamo nga numero sang nag-suicide sa probinsya sang nagligad nga tuig.

Ginpanugyan ni IPPO spokesperson Master Sergeant Francisco Lindero Jr ang hugot nga pagtuo sa Diyos kag pagpabakod sang maayo nga relasyon sa pamilya agud malikawan ang depression.