Sigarilyo nga wala masindihan, kumpiskaron sang mga pulis sa mga masulod sa activity areas sang Dinagyang Festival

By: Aine Grace Bravo | January 16, 2020

via Aljohn Torreta

Iloilo City — Kumpiskarun ang sigarilyo bisan wala ginasindihan sa pagsulod sa mga judging areas sa Dinagyang Festival, suno kay Iloilo City Police Office Director PCOL Martin Defensor Jr.

Suno kay Defensor, ginadumilian ang sigarilyo nga dal-un sa sulod sang mga judging areas ukon activity area sa Dinagyang Festival. Ang Anti-Smoking Ordinance sang city government ang basehan sang mga pulis sa pagkumpiskar.

Gin-ako ni Defensor nga makabig ‘grey area’ ang pag-confiscate sang sigarilyo bisan wala pa nasindihan bangud wala ini nabutang sa ordinansa, apang i-implementar gihapon nila.

Mahimo suno sa iya mag-contest ang sin-o man kun kumpiskaron sang pulis ang ila dala nga sigarilyo nga wala pa masindihan.