Biyahe sang depasahero nga mga jeep sa Ungka terminal, apektado bangud sa gina-construct nga Ingka II flyover

By: JoMaque | Enero 18, 2020

Iloilo City—Apektado ang biyahe sang depasahero nga mga jeep sa Ungka terminal bangud sa gina-construct nga Ungka II flyover.

Ini bangud suno kay City Loop Integrated Alliance of Jeepney Operators and Drivers Association (CLIAJODA) president Rizal Alido, mahinay ang traffic flow sa lugar.

Antes pa man ginsuguran ang pagtukod sang flyover suno kay Alido, apektado na ang ila pagbiyahe bangud sang masami nga pagpugok sang trapiko ilabi na kun rush hour. Sang gin-umpisahan ang pagkay-o sang flyover, nadugangan pa gid ang ila pag-antus.

Ginhalimbawa ni Alido nga isa sa mga apekatdo ang mga modernized jeep nga nagabiyahe Ungka ITGSI via CPU. Nagnubo suno sa iya ang volume sang mga pasahero nga nagasakay sa mga modern jeep. Madugay nga maka-abot sa terminal ang mga pasahero bangud sang sitwasyon sang trapiko kag bangud may oras nga ginasunod, nagahalin suno sa iya kun kaisa sa terminal ang modern jeep bisan pa wala sang unod nga pasahero.

Nagnubo man ang kita sang mga drivers dugang pa ni Alido. Halin sa 40% sang una, nangin 60% na ini. Kun sadto makakita sang P3,000 tubtob P4,000 kada adlaw ang tagsa ka driver, subong halos indi na makalab-ot sa P3,000 ang ila nga koleksyon.