LTO 6, may ginapreparar nga deputation ID para sa mga PSTMO enforcers

By: JoMaque | Enero 18, 2020

Iloilo City– May ginapreparar ang Land Transportation Office (LTO) 6 nga mga deputation ID para sa mga Public Safety and Transportation Management Office (PSTMO) enforcers nga nagapatuman sang Traffic Discipline Zone.

Suno kay LTO 6 Asst. Director Atty. Gaudioso Geduspan, indi magnubo sa 20 ka mga enforcers sang PSTMO ang nagsugod na training kahapon para sa ila deputation.

Magadepende sa chief of operations sang LTO 6 kun sino ang iya i-recommend nga mangin qualified sa deputation.

Subong nga adlaw ang ulihi nga pagpangalagad ni LTO 6 Director Roland Ramos kag kon sin-o ang ma-assign nga officer-in-charge, amo ang magapirma sa ID.

Samtang, ipaagi sa refresher courses ang tanan nga law enforcers sang LTO 6 lakip na si Mr. Jetster Mandadero, ang enforcer nga ginreklamo sang empleyada sang bangko nga nagdakup sa iya sa Diversion Road bangud wala siya naka-seatbelt bisan pa ginpa-athag niya nga manaug siya sa salakyan rason ginkakas ang seatbelt.

Ma-coordinate si Geduspan sa chief sang operations sa masunod nga semana agud istoryahan kun san-o masugod ang refresher courses.